KIKItravelholic
韓國
韓國十大人氣手信2025😋Threads爆紅奶油夾心餅/(G)I-DLE舒華推薦韓菓子❗
今次介紹韓國2025十大人氣手信，不但有Threads爆紅奶油夾心餅、韓國人最愛的即沖咖啡，仲有(G)I-DLE葉舒華曾推薦的韓式傳統甜品！即睇介紹➡️
1️⃣GINI 脆扁牛角包
薄脆牛角包切片，外皮香脆，入面層層疊疊，食落仲有牛油香！有蜂蜜、朱古力、糖霜等不同口味，送禮最啱~
2️⃣Delight Project 貝果脆片
由Olive Young 推出，係韓國超熱賣！將熟成貝果切片後再低溫烘烤製成，味道濃郁又唔膩~推薦蒜頭牛油同蜂蜜牛油口味！
3️⃣Milky Shop Butter Sand 奶油夾心餅
首爾聖水洞人氣甜品店推出的手信！有原味同焦糖味，兩層甜脆餅乾配上厚奶油餡， 味道鹹甜~但須冷藏要注意！
4️⃣農心黑松露味蝦條
農心50周年特別推出的，加入兩倍蝦量及香濃黑松露製作的闊身蝦條，絕對係必買手信!
5️⃣KANU即沖咖啡
韓國人最愛飲咖啡，KANU就係其中一個好受本地人歡迎嘅品牌。佢嘅即沖咖啡，例如美式黑咖啡同Tiramisu口味都超熱賣！
6️⃣Paris Baguette奶油夾心餅
Paris Baguette係韓國知名連鎖麵包店，當時呢款奶油餅乾剛推出時掀起熱潮被瘋搶！聽講宜家都仲有限購~不同地區有各自的款式，如機場限定款，釜山特別版等等~機場限定版餅乾內餡係奶油焦糖同堅果粒，仲會流心超正！
7️⃣「한과미의식」傳統藥菓
藥菓以蜂蜜、芝麻油同小麥粉製成，係傳統韓國甜品，味道偏甜口感黏，適合配茶享用。而「한과미의식(韓菓美意識）」，就係(G)I-DLE舒華拍Youtube時曾打工的店舖~
8️⃣BRICKSAND 費南雪
明洞人氣甜品店品牌，費南雪正正係佢地招牌。口味多樣，不但有經典口味如朱古力、抹茶等，連艾草、胡椒等味道都有！不妨一試~
9️⃣HABF 魷魚天婦羅
繼人氣蜂蜜杏仁之後，HBAF又推出了備受喜愛的魷魚天婦羅，有蜂蜜牛油及辣海鮮等各種口味。口感酥脆，入面魷魚就甜甜地好咬口，送酒一流！
🔟ORION龜殼薯片
韓國大熱ORION龜殼薯片，層層疊疊口感超脆，外型又新奇，味道濃郁。一啖一粒令人超上癮！最新出的韓式辣醬味都好受歡迎~
圖片來源：圖片來源：Instagram@gs25_offical, hbaf_official, orion_world, kanucoffee.official, gj_house, parisbaguette_kr, @happybricksand, @milkyshop_kr
官網@Oliver Young Global
Youtube@ 농심 nongshim, 워크맨-Workman
韓國旅遊 韓國旅行 攻略 韓國旅遊攻略 首爾旅遊攻略 首爾 首爾旅遊 韓國手信 韓國必買 韓國購物 首爾購物
閱讀更多